Бонитетната агенција „Мудис“ соопшти дека го намалила кредитниот рејтинг на Словенија на нивото „отпад“, со негативна прогноза, наведувајќи ги како причина состојбата на банкарскиот систем и влошувањето на состојбата на државните финансии.
Агенцијата предупреди дека на таа земја можеби ќе и треба и пакет финансиска помош од еврозоната.
Во соопштението на „Мудис“ се наведува дека кретидниот рејтинг на Словенија ќе биде намален за два степени на „Ба1“ од „Баа2“, со што е ставена во шпекулативна категорија, како и дека неизвесноста околу финансирањето на пазарот ја зголемува веројатноста дека ќе биде потребна помош однадвор.
– Најважната причина за намалувањето на рејтингот на Словенија е упорната криза на тамошниот банкарски систем и големата веројатност дека на таа држава ќе и биде потребна дополнителна помош и инјекција на капитал, истакна американската агенција.
Досега помош од Европската унија и Меѓународниот монетарен фонд добија Кипар, Грција, Ирска и Португалија, како и шпанските банки.