Иран одлучи да санкционира 15 американски компании бидејќи му пружаат поддршка на Израел и „терористичките дела на тој режим“, објави во недела новинската агенција Ирна, повикувајќи се на Министерството за надворешни работи.
Одлуката, која е симболична бидејќи овие компании не работат со Иран, донесена е по два дена откако САД воведоа санкции против 30 компании и поединци од десет земји, обвинувајќи ги дека соработувале со иранската програма за вооружување.
Според соопштението, „се забрануваат сите трансакции со тие компании, нивниот имот ќе биде запленет, а челниците нема да можат да добијат иранска виза“.
Одлуката е реакција на американските санкции воведени во февруари откако Иран тестираше проектил.