Армијата на Република Македонија во рамки на активностите за одбележување на 25 години од постоењето денес со воена свеченост во касарната „Илинден“ во Скопје, ќе го одбележи преземањето на најголемиот воен објект во Република Македонија од тогашната ЈНА.
На воената свеченост пред ешалоните на единиците на АРМ кои се сместени во касарната „Илинден“ ќе се обрати командантот на полкот за специјални операции и сегашен командант на касарната бригаден генерал Орце Јордев.
На свеченоста ќе присуствуваат и старешини кои учествувале и се сведоци на овој значаен за АРМ историски настан, кој се случил на ден 26.03.1992 година.
