По двегодишниот динамичен раст, луксузните марки како Луј Витон, Гучи или Своч, последните неколку месеци бележат забавување на растот на продажбата.
Според оценките на експерите главната причина за намалената продажба на луксузните брендови е поради намалената побарувачка во Европа која е погодена од кризата, како и намалениот прилив на странски туристи за шопинг во луксузните продавници.
Од 2010-та година овој сектор имаше силен раст, па така приходите и профитот на луксузните модни куќи растеа за околу 30 проценти годишно.
Првите знаци за забавувањето се покажаа во втората половина од 2012-та година, пред се кај најголемата светска модна куќа Луј Витон, чија годишна вредност од продажбата достигна 7.5 милијарди евра, но и кај Гучи чии годишен профит изнесуваше половина од тој на Луј Витон.
Тенденцијата за успорување на растот се потврди и во првото тромесечие од 2013-та година.
Двете модни куќи во првите три месеци од оваа година остварија приходи под очекуваното ниво.
Најголемиот производител на часовници во светот Своч исто така не очекува раст поголем од 12.20 проценти, а за во 2013-та година предвидуваат пораст од пет до десет проценти.
