Грчките даночни инспектори денес протестираат против политиката на штедење пред зградата на грчкото министерство за финансии, пишува весникот Ekathimerini.
На протестот на вработените им се приклучија и членови на синдикатот на државните службеници во Грција (АДЕДИ), кои исто така сакаат да го искажат своето незадоволство од политиките на Владата за зголемување на даночните приходи.
Претседателот на Унијата на даночните инспектори од Атина и Цикладските острови изјави за телевизијата Skai дека владата планира мерки насочени кон истите социјални групи, кои веќе платиле значителни даноци.
