Декретот за излегување на Велика Британија од Европската унија (Брегзит) е потпишан од страна на кралицата Елизабета Втора, пренесе „BBC“.
Кралицата ја одобри одлуката на пратениците од двата дома на парламентот на островската држава да се прекине над 40-годишното членство во заедницата.
Со потпишувањето на документот британската кралица му даде овластувања на премиерот во Лондон, Тереза Меј да почне преговори со Брисел. Во јуни 2016 година, Британците со референдум одлучија нивната земја да стави крај на членството во Унијата.