26 февруари, 2024
ПочетнаКОМПАНИИБакрачески: „Сахарјан Македонија“ ќе ги запази сите законски и еколошки норми

Бакрачески: „Сахарјан Македонија“ ќе ги запази сите законски и еколошки норми

proekt-ohrid

Градоначалникот на Охрид Никола Бакрачески изрази задоволство од подготвеноста на компанијата „Аткинс“, како главен проектанат на луксузниот хотелски комплекс „Сахарјан Македонија“ што се најавува дека ќе се гради на Охридското Езеро кај Свети Наум, да се прифатат сите забелешки и критериуми што од нив ќе ги побараат македонските власти.

– Од тој аспект можам само да упатам смирувачки тон до сите загрижени граѓани на Охрид и оние скептици кои сметаат дека ќе се гради спротивно од стандардите. Во никој случај, ниту државните институции тоа ќе го дозовлат, ниту јас како градоначалник ќе се согласам со изградба на нешто што по која било основа ќе отстапува од строгите законски и еколошки норми, рече Бакрачески.

Во однос информациите објавени во медиумите дека Македонската православна црква, која е сопственик на поголемиот дел од земјиштето кај Свети Наум, каде што е предвидена изградбата на комплексот дека се спротивставува на изградба на какви било објекти од тој вид на вакафско земјиште, Бакрачеки рече дека досега не чул за противењето на Црквата, ниту од него досега била побарана официјална средба за разговори по тоа прашање.

– Она што можам да го кажам е дека пред две седмици во Министерството за транспорт и врски се одржа средба во широк состав, со присутни претставници на сите релевантни институции засегнати со изградбата на комплексот, од инвеститорот, преку проектантското студио „Аткинс“, до министерствата за транспорт и врски, за култура, за заштита на животната средина, на Хидробиолошкиот завод од Охрид и Националниот парк „Галичица“. Она што можам да го потврдам е дека кај инвеститорот и кај надлежните институции постои подготвеност да се реализира таа инвестиција, додаде градоначалникот на Охрид.

НАЈНОВИ ВЕСТИ

ХОРОСКОП