Британската козметичка компанија Lush објави дека во иднина можеби ќе биде принудена да го прошири производството и продажбата надвор од Велика Британија, заради ризиците поврзани со Brexit, пренесуваат британските медиуми.
Компанијата неодамна отвори фабрика во Германија, а напомнуваат дека во иднина можеби ќе бидат принудени да го шират производството и продажбата надвор од Британија. Како причина го наведуваат „сериозниот“ недостаток на работна сила во Велика Британија, што Brexit би можел дополнително да ја влоши.
Од Lush напомнуваат дека странците прават 20 отсто од нивните работници.
