Прва конференција за групно финансирање во Македонија ќе се одржи во сабота во Скопје, во организација на Здружението „Лидери за едукација, активизам и развој“.
Целта на конференцијата е запознавање на луѓето со концептот на групно финансирање (crowdfunding), како алтернативен начин на финансирање на проекти и идеи, како и да понуди вештини за спроведување ваков вид кампањи.
Во рамки на конференцијата ќе биде презентиран и првиот македонски прирачник за спроведување кампањи за групно финансирање, а се организира во рамки на проектот „Одржливост преку алтернативни начини на финасирање“, имплементиран од Здружението „Лидери за едукација, активизам и развој“, во партнерство со Final Frontier Games.
