Вториот по големина трговец на мало во светот „Carrefour“ вети дека ќе ја зголеми продажбата со помеѓу 3% и 5% во оваа година и дополнително да ја зголеми слободата на готовинскиот тек во момент во кој се намалуваат инвестициите за реновирање на продавниците, соопштува „Ројтерс“.
Компанијата исто така, рече дека е подготвена да оствари ИПО на имотната поделба „Carmila“ и на бразилскиот бизнис во оваа година, доколку пазарните услови го дозволат тоа.
Најголемиот трговец на мало во Европа ја задржи дивидендата во 2016-та година без промена на ниво од 0,70 евра по акција, откако оперативната добивка е намалена за 3,8% до 2,35 милијарди евра во 2016-та година, што е под просечната оценка за 2,37 милијарди евра од анкетата на „Ројтерс“.
На најголемиот пазар на групацијата – Франција, оперативната добивка е намалена за 13,4% до 1,03 милијарди евра, а маржите се намалиле за 40 базични поени до 2,9%.
Ова се одразува врз трошоците врзани со интеграцијата на поевтините продавници „Dia“ кои се во загуба, а активните промоции во француските хипермаркети се позадината на силната конкуренција во секторот.
На други места во Европа сепак оперативната добивка се зголемува, главно поради долгото закрепнување во Шпанија и подобрената профитабилност во Италија. Во Латинска Америка презентацијата во Бразил е силна покрај тешките пазарни услови, а во Кина, кој придонесува за 5% од продажбата, се уште се забележува загуба.
„Carrefour“ изјави дека ќе инвестира 2,4 милијарди евра во 2017-та година за реновирање и проширување на своите продавници, што е под износот од 2,5 милијарди евра од минатата година.