Трговскиот дефицит на САД во јануари порасна на најголемото месечно ниво во речиси пет години, соопшти во вторникот Министерството за трговија во САД.
Трговскиот дефицит порасна на 48,5 милијарди долари, што е за 4,2 милијарди долари повеќе во однос на декември и е најголемиот дефицит од март 2012 година.
Таквиот дефицит делумно е последица на месечниот пад на извозот на цивилните авиони и мотори во вредност од 1,2 милијарди долари.
Во однос на јануари минатата година трговскиот дефицит е поголем за 12 проценти, при што растот на увозот од 8,3 проценти надмина раст на извозот од 7,4 проценти.
Дефицитот во трговијата на стока со Кина пораснал за 13 проценти во однос на нивото од декември.
Исто така е забележано зголемување на дефицитот во трговијата со Мексико и Саудиска Арабија.
