Основната инфлација во Јапонија го оствари во јануари првото зголемување од 2015-та година.
Главниот индекс на потрошувачките цени, без цените на свежата храна, забележа раст од 0,1% во јануари во однос на истиот месец од минатата година, покажува статистичкиот институт во земјата на изгрејсонцето.
Враќањето на индексот на позитивна територија е управувано, слично и во еврозоната, од енергијата. Цените на нафтата се зголеми за 9,2 отсто во однос на истиот период од 2016-та година.
Зголемувањето е добра вест за централната банка на Јапонија, чии надежи за неодамнешното постигнување на целта од 2% инфлација се возобновуваат.
Јапонија се обидува да излезе од дефлација, која трае две децении. Трендот започнува да „пука“ со доаѓањето на премиерот Шинзо Абе на власт, но беше прекинат по зголемувањето на данокот на потрошувачката од 2014-та година и доцнењето на новите пазари во 2015-та и 2016-та година.
Економистите очекуваат основната инфлација во Јапонија да достигне 1% во оваа есен поради динамиката на девизните курсеви на валутите по изборот на Доналд Трамп за претседател на САД.
Истовремено „Ројтерс“ објави дека јапонската економија најверојатно се зголемила побрзо во четвртиот квартал, отколку што се мислеше првично. Од други податоци се гледа дека може да се очекува вишокот на тековната сметка на земјата во јануари да се намали поради забавување на извозот.
Растот на БДП-то за последниот квартал од 2016-та година се очекува да биде ревидиран до 1,6% на годишна основа, додека прелиминарната оценка беше за раст од 1%, според просечната прогноза на 20 економисти анкетирани од агенцијата. Податоците се очекува да бидат објавени на 8-ми март. Разликата доаѓа од најсилните капитални трошоци.
Други владини податоци покажуваат дека невработеноста во Јапонија опадна до 3 отсто во јануари во однос на 3,1 отсто во претходниот месец. Бројот на вработените во земјата во текот на првиот месец од годината бил 64,7 милиони лица, покажуваат податоците на Министерството за внатрешни работи и комуникации. Тоа е зголемување за 460.000 лица или за 0,7 отсто во однос на јануари минатата година.
Домаќинствата во Јапонија сепак ги намалиле трошоците за 1,2 отсто во јануари во однос на истиот месец од минатата година. Тоа е намалување за 11-ти месец по ред.
