Невработеноста во февруари во Австрија стагнираше на многу високо ниво од 475,786 лица, кои биле во потрага за работа.
Стапката на невработеност, според националната дефиниција, изнесувала 10,1 проценти, што е пад од 0,3 процентни поени во однос на февруари минатата година.
Како и во јануари забележан е пораст на бројот на отворени работни места, и тоа за 37,7 проценти, односно 49,383 во споредба со февруари 2016 година.
Просечното време на задржување на бирото за труд во моментов изнесува 118 денови.
Додека бројот на невработени кај младите значително се намалил, и тоа за 10,8 проценти, се зголемил кај старите лица (6,8 проценти) и кај странците (3,4 проценти).
