Владата на Турција одлучи дека странските инвеститори во недвижности нема да плаќаат 18% ДДВ при купување на стан, соопштува интернет изданието „Global Property Guide“.
Исклучокот ќе важи и за Турците кои живееле и работеле во странство повеќе од шест месеци, и одлучиле да купат имот во татковината.
Властите поставуваат сепак и еден услов, за да важи исклучокот – купувачите да платат во странска валута и да го задржат имотот најмалку една година по трансакцијата.
Во последните месеци турската влада предложи многу попусти и стимулации за странските купувачи на имот. Во јануари пример властите објавија дека стартуваат со шема за т.н. „златни визи“. Таа предвидува да се дава дозвола за престој и турско државјанство на инвеститори во имот во вредност од најмалку 1 милион долари.
Шемата ќе се применува и за купувачи на турски долг или депоненти во турски банки, а прагот во двата случаи е соодветно 2 милиони долари и 3 милиони долари.
За периодот јануари-ноември 2016-та година, продажбата на имот на странци во Турција се намали за 19% во споредба со истиот период од 2015-та година, покажуваат податоците на турската национална статистичка служба. Најголемите групи купувачи во земјата се Ирачаните, Саудијците, Кувајтците и Русите.
Сепак продажба на имот на турските граѓани се зголемуваат за 4,5% во периодот на годишна основа.