Инфлацијата во Германија во февруари достигна 2,2 проценти, со што е надмината целта на Европската централна банка за одржување на стабилност на цените, оценува агенцијата АФП.
Станува збор за најголемиот раст на инфлацијата во Германија од август 2012 година, кој исто така благо ја надминува прогнозата на аналитичарите од 2,1 проценти, пренесува агенцијата Франс прес.
Растечките цени на енергентите и повисоките цени на храната повторно беа еден од главните поттикнувачи на инфлацијата во февруари, соопшти германската Федерална канцеларија за статистика, потсетувајки дека потрошувачките цени во јануари пораснале за 1,9 проценти.