Според првата проценка на хрватскиот Државен завод за статистика, бруто домашниот производ (БДП) во таа земја минатата година порасна за 2,9 проценти.
Првата проценка покажува дека кварталниот БДП во четвртиот квартал минатата година реално е поголем за 3,4 проценти во однос на истиот квартал во 2015 година.
Сезонски прилагодениот квартален БДП, во однос на претходниот период, бележи позитивна стапка на промени од 0,6 проценти, а во однос на истиот квартал од 2015 година, рално е поголем за 3,5 проценти.
Најголем позитивен придонес за зголемување на БДП во четвртиот квартал од 2016 година е остварен со растот на извозот на стока, пренесуваат хрватските медиуми.
