„FIAT“ планира да започне производство на нов V8 турбо-дизел мотор, нормално доколку се покаже како успешен V6 дизелот кој е вграден во „Maserati Ghibli“.
Иако некои од светските производители на автомобили како „Mercedes“ или „BMW“ се откажаа од V8 дизел агрегатите за да ги намалат трошоците, во групацијата „FIAT“ многу сериозно размислуваат за еден таков мотор.
Во тој случај новиот V8 би имал работна зафатнина од 4.0 литри и би бил во состојба да развие 268 kW/365 ks и 622 Nm максимален вртежен момент. Само за споредба работата на 3.0 литарскиот V6 кој го користи „Maserati“ може да произведе 202 kW/275 ks и 600 Nm.
Според најновите инфомрациите V6 турбо-дизелот кој е вграден во лимузината „Ghibli“ е заедничко дело на експерите на „Ferrari“ и „Maserati“, а засега не е познато кој дел од групацијата ќе биде задолжен за развојот на евентуалниот V8 мотор.
Во случај италијанскиот производител и дефинитивно да се одлучи за производството на овој агрегат, овој мотор би бил достапен за вградување во моделите на автомобилските марки кои се под капата на „FIAT“ дури од 2016-та година.
