Најликвидна акција во тргувањето на Македонската берза во понеделникот беше акцијата на НЛБ Банка.
Со оваа хартија од вредност беше остварен промет од 11,8 милиони денари и истргувани 1.141 лотови по цена од 10.400 денари, при што цената порасана за 0,60 отсто.
Според остварениот промет, следеа акциите на Комерцијална Банка, со три милиони денари и на енергетската компанија Макпетрол со 0,6 милиони денари.
Прометот вчера изнесуваше 16,1 милиони денари преку 57 трансакции, додека индексот МБИ-10 денот го заврши со раст од 0,06 отсто, и изнесуваше 2.277,45 индексни поени, додека пак индексот на обврзниците повторно остана непроменет.
