Грција вчера се согласи да пронајде компромис за новиот пакет реформи во настојување да го реши спорот со кредиторите од ЕУ и Меѓународниот монетарен фонд (ММФ), кој предизвика стравување од нова криза.
Претседателот на еврогрупата Жерон Дајселблум по разговорите во Брисел изјави дека официјалните лица кои ги претставуваат кредиторите наскоро ќе се вратат во Атина поради разговорите за новите мерки.
Грција и ММФ во изминатите неколку месеци беа во спор околу отписот на долговите и целите во буџетот.
„Многу сум среќен од исходот на денешниот состанок. Ќе се работи со грчката власт за дополнителниот пакет структурни реформи на даночниот и пензискиот систем како и за регулативите на пазарот за труд“, нагласи Дајселблум.
Кредиторите во декември ја напуштија Атина откако не успеаа да ја завршат втората ревизија за финансиска помош и со тоа да овозможат исплата на новата транша.
