Португалската влада соопшти дека вратила на Меѓународниот монетарен фонд (ММФ) половина од парите добиени од организацијата како дел од спасувачката програма од 2011-та година.
Предвременото плаќање на обврските е сведоштво за повратеното финансиско здравје на земјата, нагласуваат од Лисабон.
Португалското Министерство за финансии информира дека минатата недела вратило на ММФ 1,7 милијарди евра – сума, која требаше да се исплати во 2019-та година. Ова значи дека земјата веќе исплатила 13 милијарди евра кон Фондот.
Португалија се приближи до банкрот во 2011-та година во екот на финансиската криза во еврозоната. Нејзините партнери од ЕУ се здружија со ММФ и дадоа на земјата спасувачка помош.
