Личниот телефон на водачот на нацистичка Германија, Адолф Хитлер е продаден во неделата за 243,000 милиони американски долари, соопшти аукциската куќа Alexander Historical Auctions
Во најавата на наддавањето, цената на личниот телефон на Адолф Хитлер беше проценета на 200 до 300 илјади долари, но се очекуваа според заинтересираноста и до половина милион долари, а добиената цена ги потврди првичните очекувања. Почетната цена на наддавањето кое се одржа во Чесипак Сити во американската сојузна држава Мериленд, изнесуваше 100 илјади долари. Портпаролот на аукциската куќа, Андреас Корнфилд не сакал за медиумите да го открива името на новиот сопственик на телефонот кого аукциската куќа Alexander Historical Auctions го опиша како „личниот хитлеров смртоносен инструмент“.
Според информациите на аукциската куќа, телефонот на познатиот германскиот производител „Siemens“ со гравирано име на Адолф Хитлер и подарок од Вермахтот. Во април 1945 година него го пронашле советските војници во бункерот на фирерот веднаш по неговото самоубиство и видливи траги од удари во бункерот.
Потоа бил предаден како подарок на британскиот офицер сер Ралф Рајнер, кој бил испратен од фелдмаршалот Бернард Монтгомери на средба со руските офицери во Берлин, а овој подоцна го сокрил и неговото семејство го чувало уредот повеќе од 70 години.
Како што опишува Alexander Historical Auctions, советските офицери првично на Рајнер му го нуделе црниот телефон на сопругата на фирерот Ева Браун, но Британецот го одбил велејќи дека неговата омилена боја е црвената. Аукциската куќа објави дека документите и фотографиите целосно ги потврдуваат презентираните податоци.
Стравувајќи да не биде обвинет за грабеж, Рајнер со децении молчел за телефонот изработен од бакелит и го криел во неговиот дом во Дувлиш, областа Девон. Своите воени трофеи само еднаш ги покажал пред семејството по враќањето од Германија, а на својот син му го предал пред смртта во 1977 година. Во 1990 година наследниците на телефонот добиле потврда за автентичноста од операторот на централата на Хитлер, Рохус Миш.
Телефонот на Хитлер е изработен од црн бакелит со ротационо бирање на бројките и поврзан со плетен кабел обоени во црвена боја. На телото од уредот се гравирани орел и свастика (кукаст крст) симболите на Националсоцијалистичката партија и Третиот рајх, како и името на Адолф Хитлер.
Според експертите на аукциската куќа, основните ознаки на телефонот сведочат дека тој била направен во април 1940 година во фабриката на германскиот концер „Siemens“ во Берлин.
Придружниот материјал за овој аукциски експонат, истакнува дека токму преку овој телефон Хитлер ги издавал некои од своите најзлосторнички наредби. Како што истакнуваат експертите на Alexander Historical Auctions, така овој телефон претставува „орудие кој најголемиот злосторник во историјата го користел за убиството на безбројно многу невини луѓе, уништувањето на стотици илјадници квадратни милји територија и, во крајна линија, уништувањето на сопствената земја и својот народ“
