Грција ја разгледува можноста за излез од еврозоната и прифаќање на американскиот долар, изјави американскиот професор Тед Малох.
Британскиот дневник „Independent“ потсетува дека Малох е еден од кандидатите за нов американски амбасадор во ЕУ.
„Познавам некои грчки економисти кои отидоа во американската истражувачка организација поради разговори за оваа тема и прашањата на доларизација. Таквата одлука, нормално, би ги преплашила Германците бидејќи тие не сакаат да слушаат такви идеи“, изјави Малох.
Според неговите зборови, Grexit би бил најдобрата опција за Грците бидејќи моменталната ситуација е „неодржлива“.