Кога „Twitter“ го купи „Periscope“ во 2015-та година, можноста за видео стриминг во живо од и до телефон беше вистинска иновација, коментира „Statista“.
Во времето на стекнувањето, „Periscope“ се уште дури не беше пуштен и кога тоа се случи, брзо се наметна како тренд меѓу неговите први членови и пошироката технолошка заедница.
Според достапните информации „Twitter“ платила помалку од 100 милиони долари за трансакцијата, со што нејзината одлука да интервенира пред „Periscope“ да ја претстави јавно апликацијата, изгледаше како прилично итар потег.
Две години подоцна спокојно можеме да кажеме дека компанијата со право се „обложи“ на видео стримингот во живо.
Единствениот проблем е тоа што сите други го прават истото. Во моментов „Facebook“, „Snapchat“, „YouTube“ и „Instagram“ нудат видео стриминг во живо и според податоците на „UBS Evidence Lab“ секоја од трите компании се користи почесто од „Twitter“ за стриминг во живо.
