Стапката на невработеност во еврозоната во месец декември опадна на најниското ниво за седум ипол години, бидејќи економскиот замав опстана и покрај неизвесноста поради Brexit.
Стапката на невработеност во 19-члената еврозона во декември опадна повеќе од очекувањата, на 9,6 проценти, пред се благодарение на големото намалување на невработеноста во Шпанија и Португалија, соопшти европската служба за статистика Евростат, пренесува агенцијта Франс прес.
Тоа, како што известува агенцијата АП, е најниската стапка на невработеност во еврозоната од мај 2009 година.
Кога станува збор за инфлацијата во еврозоната, таа во година дена заклучно со јануари порасна на 1,8 проценти, што е највисокото ниво за речиси четири години и забрзување во однос на 1,1 проценти од декември.
Економскиот раст на еврозоната во четвртиот минатогодишен квартал достигна 0,5 проценти, во однос на растот од 0,4 проценти од претходниот квартал.
