Довербата меѓу кинеските компании во услужниот сектор останува на многу високо ниво. Така овој важeн сектор за Кина ќе може да се стабилизира и да ја заживее економијата во следните месеци.
Објавениот индекс на бизнис магазинот „Caixin“ (Цаихин) за „PMI“ во услужниот сектор за јануари покажува мал пад до 53,1 поени (наспроти 53,4 поени во декември). Иако лесниот пад на показателот кој ја одредува довербата меѓу малите и средните претпријатија, останува на крајот на годината во близина на 17-месечен врв.
Наспроти веќе објавениот државен индикатор за мерење на расположението во големите компании тука дури има благо подобрување на довербата. Тука индексот се зголемува за 0,1 процентни поени до 54,6 поени.
Вредности над 50 покажува раст на економската активност. Пониските вредности укажуваат надолен тренд. Во индустријата индексот објавен минатата недела, падот е како во приватниот, така и во јавниот сектор. И двата показатели сепак се над границата од 50 поени.
Бидејќи Кина се наоѓа во средината на трансформација од производствена „фабрика“ за целиот свет кон економија базирана на услугите, секторот на услугите ќе има се поголемо значење. Стапката на раст на економијата на Кина се намали во текот на изминатата година до 6,7% – најниското ниво од 1990-та година.
Кинеската влада од една страна намерно не промовира силен растот поради планираното реструктуирање на економијата, но од друга страна, на властите им треба висок раст, за да се вклучат делумно кон благосостојбата во најголем дел на сиромашното население.
Бидејќи економијата порасна во четвртиот квартал малку побрзо отколку во текот на целата година, некои економисти одлучиле дека објавените податоци во јануари се знак за стабилизација на втората по големина економија во светот.
Но голем број експерти предупредија уште еднаш дека сегашниот модел на раст не е одржлив. Растот на кинеската економија се уште е премногу зависен од мерките за стимулирање од страна на владата, предупреди во средината на јануари и Меѓународниот монетарен фонд (ММФ). Економијата се соочува со „силен пад“, ако кредитите продолжат да расте брзо, а владата не пристапи порешително против високите долгови на претпријатијата.
