Со финансиска поддршка од државата ќе се субвенционираат старите селски куќи кои граѓаните планираат да ги пренаменат во туристички апартмани.
Аплицирањето за мерката ќе почне месецов и ќе биде по принципот „прв дојден прв услужен“.
Сопствениците на објектите ќе добијат надоместок на потрошените средства до 60 отсто од трошоците за оваа намена, но не повеќе од 3.000 евра по апликант.
Финансиските средства ќе се доделат по поднесување на барање од заинтересираните лица, заедно со докажаните трошоци за зафатот.
Целта на мерката е да се подобри туристичката понуда и да се развие руралниот туризам.