Бруто домашниот производ (БДП) во еврозоната оствари раст од 0,5% на квартална основа во текот на последните три месеци од 2016-та година, покажуваат првичните податоци на „Евростат“. Тоа претставува забрзување од 0,4% раст во третиот квартал.
На годишна основа економијата на еврозоната забележа експанзија од 1,8% – иста како и во претходниот период.
Во целата 2016-та година БДП-то во монетарната унија расте со 1,7%.
Во целата Европска унија (ЕУ), растот на економијата се забрзува од 0,5% во третиот до 0,6% во четвртиот квартал во однос на претходниот период.
На годишна основа во ЕУ исто така се забележува забрзување на растот од 1,8% во јули-септември до 1,9% во октомври-декември.
Во целата 2016-та година БДП-то во ЕУ расте со 1,9%.
Претстојат две ревизии на податоците на 14-ти февруари и на 7-ми март.
