Европската комисија воведе нови антидампинг давачки за челичните производи од Кина и Тајван со цел да спречи овие производи да го преплават европскиот пазар кој веќе е во проблеми.
Комисијата соопшти дека истрагата потврдила дека кинеските и тајванските цевки од нерѓосувачки челик и фитинзите за цевки ги продаваат во Европа по дампинг цени.
За кинеските проиводи сега давачките ќе изнесуваат од 30,7 до 64,9 проценти, а за тајванските од 5,1 до 12,1 проценти.
Европската комисија соопшти дека „досега невидениот број на одбранбени трговски мерки е воведен поради нефер увозот на производи од челик“.
Од 39 антидампинг мерки на ЕУ, како и мерки против поттикнување, 17 се воведени за прозиводи од Кина.
