Презентација за обуката и за Центарот за обука на пилоти ќе се одржи во сабота напладне во Домот на АРМ во Скопје.
На презентацијата ќе присуствуваат директорот на Центарот за обука на пилоти, Јаари Шрага, инструктори, завршени кадети и кандидати кои во моментов се обучуваат во Центарот.
„Сите оние кои се заинтересирани, потенцијални кандидати и кои ги исполнуваат условите согласно Конкурсот ќе имаат можност да поразговараат и да се информираат за процесот на обука и се она што ги интересира во однос на професијата пилот и идниот ангажман како пилоти во Армијата на Република Македонија“, се вели во соопштението од Министерството за одбрана.
