По речиси пет години негативни каматни стапки, домаќинствата во Данска се побогати од било кога. Данците активно ги депонираат парите во банките и според податоците на централната банка тие растат до 812,3 милијарди круни (117,1 милијарди долари) во декември.
Според комерцијалната банка „Nykredit“ тоа е највисокото ниво за последните 16 години, во кои се води таква статистика. Сумата е рекордна, и кога ќе се прилагоди спрема инфлацијата и сезонските фактори, пишува „Bloomberg“.
„Данците се радуваат на импресивни зголемувања во реалните плати“, вели Торе Страмер, главен економист во „Nycredit“. Според него негативните каматни стапки (депозитна стапка во износ од -0,65%) се совпаднаа со одржливиот раст на вработеноста и процутот на станбениот пазар. Покрај тоа комерцијалните банки се воздржаа да ги пренесуваат негативните каматни стапки кон клиентите.
Според Страмер секој Данец – маж, жена, дете и бебе – има еквивалент на 21.000 долари во депозит.
„Гледаме попатни ветрови за домаќинствата, па Данците ја зголемуваат потрошувачката и ја намалуваат задолженоста и ја зголемуваат благосостојба“, додава тој.
Постојат дури сигнали дека поради рекордните нивоа на благосостојба, Данците почнуваат да го намалуваат соодносот меѓу долгот и еднократните приходи што во Данска е највисока меѓу богатите економии. За прв пат од 2009-та година процентот на сопствениците на куќи кои ја исплаќаат главницата за хипотеката, е поголем од оној на луѓето кои се уште ја отплаќаат само каматата.
