Хонг Конг е најпосетуван град во светот, покажува анализата на бројот на меѓународните туристи, пренесува „Daily Telegraph“.
Тој примил 26 милиони посетители во 2015-та година – скорешната година за која има детални статистики. Со тоа азискиот град ја предводи годинешната класификација на „Euromonitor“ објавен денеска. Градот го задржува првото место, и покрај падот од 4% на посетителите наспроти 2014-та година, кога е посетен од 27.78 милиони луѓе.
На второ место е Бангкок, кој е посетен од 18,8 милиони странски туристи, а Лондон е на третото место со 18,6 милиони посетители. И двата града бележат зголем број на туристи во однос на претходната година односно со 10% и 7%.
Според извештајот на „Euromonitor“, Хонг Конг се соочува со повеќе тешкотии да ја „задржи атрактивноста, особено меѓу младите кинески туристи“. Но неодамнешните податоци на туристичката агенција во градот покажуваат дека тој е посетуван од повеќе Британци – 45.000 во 2016-та година, или зголемување за 6%.
„Туристичкиот одбор заврши прекрасна работа во последните неколку години со рекламирањето на атрактивноста на Хонг Конг. Тоа не е само голем град со прекрасни места за шопинг и вкусна храна, но и дестинација која нуди големи можности за прошетка (70% од градот е со зелени површини), златни плажи, прекрасни храмови, просперитетна арт сцена и силен културен идентитет“, вели Ли Кобаџ, експерт за Југоисточна Азија во „Telegraph Travel“.
Рангирањето покажува и намалување на атрактивноста на Париз за туристите. Француската престолнина регистрираше мал пад на посети во 2015-та година, но сепак го зазема петтото место – по Сингапур. Нападите од ноември 2015-та година, сепак, беа причина за тешка година за туризмот во Париз.
За слични причини Анталија во Турција регистрарала пад на туристите од 5.5%, а Шарм ел Шеик во Египет изгуби 7,5% од посетителите.
Топ 10 најпосетените градови во светот:
1. Хонг Конг – 26.7 милиони странски туристи
2. Бангкок, Тајланд – 18.7 милиони странски туристи
3. Лондон, Велика Британија – 18,6 милиони странски туристи
4. Сингапур – 16,9 милиони странски туристи
5. Париз, Франција – 15 милиони странски туристи
6. Макао – 14,3 милиони странски туристи
7. Дубаи, ОАЕ – 14,3 милиони странски туристи
8. Истанбул, Турција – 12.4 милиони странски туристи
9. Њујорк, САД – 12,3 милиони странски туристи
10. Куала Лумпур, Малезија – 12.2 милиони странски туристи
