Управата за јавни приходи го продолжи за пет работни денови рокот за поднесување пријави за ДДВ и Годишни извештаи, откако деновиве повеќе фирми се пожалија дека системот за пријава на УЈП не функционира.
Рокот за поднесување даночни пријави продолжен до први односно седми февруари
УЈП информира дека крајниот рок за поднесување ДДВ пријави бил на 25 јануари и се продолжува до 1 февруари 2017 година, додека за Годишните извешти се продолжува до 7 февруари 2017 година.
Од УЈП појаснуваат дека продолжувањето е согласно Законот за даночна постапка, во услови на масовно, а отежнато поднесување на даночни пријави и извештаи преку системот е-Даноци.