Новата детска градинка „Штркче“ се очекува да ја задоволи потребата од поголем капацитет за згрижување на децата во Општина Аеродром.
Градинката содржи шест големи занимални на приземје и на кат, простор за прием, кујна, санитарни јазли, административен простор и подрумски простории и сето тоа на површина од 1.700 квадратни метри.
Објектот во понеделник го посетија градоначалникот на Општина Аеродром, Ивица Коневски, заедно со премиерот Емил Димитриев и министерот за труд и социјална политика, Ибрахим Ибрахими.
Средствата за новата детска градинка од околу 25 милиони денари се обезбедени од Буџетот на Општина Аеродром.
