Светските цени на храната во месец декември беа стабилни во однос на ноември.
ФАО: Стабилни цените на храната во светот
Силниот скок на цената на растителното масло и млечните производи на големо го неутрализираше падот на цента на шеќерите и месото, соопшти денес Агенцијата при Обединетите нации за храна и земјоделство (ФАО).
Ценовниот индекс кој го пресметува ФАО и кој ги мери месечните промени на цените од кошницата со основни производи (житарки, масло, млечни производи, месо и шеќер) во декември изнесуваше 171,8 поени, во однос на 171,9 поени од ноември, пренесува агенцијата Ројтерс.
Во цела 2016 година, индексот паднал за 1,5 проценти во однос на 2015 година, тоа е петти последователен пад, соопшти ФАО.