Приливот на потенцијални нови работници во Велика Британија се намалува, што го става пазарот на трудот врз „кревка основа“, пред да бидат воведени потенцијалните ограничувања врз миграцијата, откако земјата ја напушти Европската унија.
Присуството како на постојано, така и на привремено вработените се намалило во декември, изјави Конфедерацијата за вработувањето и вработеноста во својот извештај. Премиерот Тереза Меј сигнализираше во неделата дека враќањето на контролата на имиграцијата и законите се нејзин приоритет во процесот на „Brexit“ што може да значи и излез од единствениот пазар на Европа.
Ова може да ги сопре компаниите за селекција на персонал пред повеќе тешкотии во претстојната година во момент во кој тие веќе предвидуваат недостиг на сметководители, инженери, медицински лица и работна сила со други вештини. Стапката на невработеност во моментов е на најниско ниво по повеќе од една деценија.
„Големото прашање за 2017-та година е околу тоа како работодавците ќе ги пополнуваат слободните места. Има итна потреба од луѓе за места во угостителството, медицинската грижа и производството на храна. Работодавците претежно во овие сектори се потпираат сериозно на вработени од ЕУ“, рече извршниот директор на конфедерацијата Кевин Грин.
Влијанието на побрзата инфлација врз растот на платите е уште еден клучен фактор за тоа како економијата ќе се соочи по референдумот. Според извештајот „boot“-платите се зголемија. Во иднината сепак плаќањето на Британците ќе остане во застој, тренд кој најверојатно ќе продолжи во оваа година, додека компаниите се соочуваат со нејаснотии околу зголемените трошоци од „Brexit“, вели конфедерацијата.
Британскиот институт за управување и развој на персоналот соопшти минатиот месец дека побавниот раст, реално пониските плати и зголемената несигурност кај работната сила ќе бидат главните предизвици за британската влада и компаниите во оваа година.
