Европската унија би требало да го започне процесот на децентрализација со цел земјите членки да имаат право на одлучување, изјави Нобеловецот Оливер Харт.
„Брисел отиде предалеку со централизацијата на моќта, и ако престане со овој тренд, ЕУ би можела да преживее и да напредува. Во спротивно не!“, изјави економистот кој во октомври ја доби Нобеловата награда за економија за придонесот во областа на договорите за трговија.
Исто така тој истакна дека „еврото беше грешка“.
„Воопшто не би било лошо Европа да се откаже од единствената валута“, изјави тој додавајќи дека Британците паметно направиле што гласале за заминување од еврозоната.
Неговото мислење го дели уште еден Нобеловец, познатиот економист Џозеф Стиглич: „Одлуката да се создаде единствена валута без институции кои би ја штителе, беше фатална за еврозоната“, потенцираше тој.
