Германскиот пазар на труд бележи рекордно вработеност во 2016 година од 43,5 милиони луѓе.
Ова е најголем број на вработени од обединувањето на Германија.
Според Заводот за статистика на Германија, бројот на вработените се зголемил за 425 илјади луѓе во споредба со претходната година, или 1%, пренесуваат германските медиуми.
Ова го продолжува трендот на раст на вработеноста од пред десет години.
Бројот на невработени во 2016 година е на најниско ниво во последните 25 години, и изнесуваше 2.568 милиони луѓе, што е стапка од 5,7 отсто.
Претседателот на германската индустриска и трговска комора Ерик Швајцер, очекува во тековната година да бидат отворени нови 450 илјади работни места.
Тој оцени дека Германија во 2017 година ќе оствсри економски раст од 1,2 проценти.