Групата „Нокаут“ од денеска има нова официјална веб страница.(www.nokaut.mk)
На бев страницата посетителите може да се запознаат со историјатот на групата, дискографијата, видео изданијата, а има и богата галерија со фотографии од бендот и настапите.
Групата не заборавила да одвои и посебно место за фановите, па така FAN’S WALL е местото на кое тие можат во секое време да им пишат нешто, да им пратат фотографија, или едноставно да ги поздрават. Во НОВОСТИ се собрани дел од интервјуата, рецензиите и статиите објавени во македонските медиуми.
Сајтот има и своја е-продавница преку која можат онлајн да се нарачуваат специјално дизајнирани аксесоари. Сега за сега, „на рафтот“ се изложени само маици со логото на НОКАУТ, но наскоро продавницата ќе биде снабдена и со други интересни и оригинални нокаутовски „сувенири“.