Вториот трговски ден во новата година на Македонската берза за хартии од вредност заврши со минимален обем на тргување од само 2,6 милиони денари и 14 трансакции.
Во средата се тргуваше со осум хартии од вредност,. од кои дури шест имаа раст, а без промена се тргуваа две хартии.
Раст на цените имаше кај следните хартии од вредност Пекабеско, од 6,25 отсто, ТТК банка од 2,40 отсто, Охридска банка со 2,31 проценти, и кај акцијата на Гранит со 1,37, на Македонијатурист од 0,05 и на Комерцијална банка од 0,03 отсто.
Промет од над милион денари оствари единствено акцијата на Нова стоковна куќа Струмица каде преку блок трансакција беа истргувани 11 лотови, по цена од 92.250 денари.
