Бизнисот во еврозоната ја заврши 2016-та година со најсилниот импулс по повеќе од 5 години, додека регионот се насочува кон година на политичка неизвесност, коментира „Bloomberg“.
Вкупниот индекс на менаџерите на налозите „PMI“ на „IHS Markit“ се искачи до 54,4 поени во декември од 53,9 во ноември, објави компанијата. Тоа е највисоката вредност по 67 месеци и над оценката од 15-ти декември.
Моќта како на производствениот сектор, така и на оној на услугите делумно се должи на слабото евро, изјави лондонската компанија во пораката. Економската експанзија се гледа и кај „четирите големи“ земји, а Шпанија води, проследена со мала разлика од Германија.
Знаците за побрз раст може да обезбедат цврста основа за економијата на 19-те земји членки на еврозоната, додека таа се насочува кон година на потенцијално бурна политика. Европската централна банка (ЕЦБ) одлучи во декември да ја продолжи програмата за откуп на обврзници до крајот на 2017-та година, со оглед на слабата основна инфлација и несигурноста која демнее од националните избори и од почетокот на преговорите за условите за излегување на Велика Британија од Европската унија.
Од одлуката се зголеми заедно со растот на цените на енергијата. Во вторникот Германија најави инфлациска стапка од 1,7% за декември, што е над оценките на економистите и во близина на целта на „ЕЦБ“. „Markit“ изјави дека трошоците за производство во еврозоната се зголемија минатиот месец до највисокото ниво од средината на 2011-та година.
„Последните податоци за „PMI“ индексот пријавуваат дури посилен крај на 2016-та година од првичните пресметки, иако дали тоа ја обезбедува исклучително потребната „отскочна даска“ за обновата на еврозоната и дополнителната инерција во 2017-та година останува неизвесна. Во голема мера тоа зависи од политичките настани во претстојната година.“, рече Крис Вилијамсон, главен бизнис економист во „IHS Markit“.
Показателот за услугите сепак малку се намалува во однос на прелиминарните податоци во декември, соопшти уште компанијата, до 53,7 поени од 53,8 поени во ноември. На 2-ри јануари „Markit“ соопшти дека производствениот индекс скокна до највисокото ниво од април 2011-та година.
