Цените на нафтата се на пат да го запишат својот најголем годишен процент на раст од 2009-та година (околу 20%) благодарение на договорот меѓу „ОПЕК“ и други производители надвор од картелот за намалување на производството, соопштува „Ројтерс“.
Американската лесна сурова нафта „WTI“ поскапува за 0,5% до 54,04 долари за барел, а цената на европскиот репер „Брент“ се зголемува со 0,56% до 57,17 долари за барел.
Во ред се подразбира дека производителите ќе ги почитуваат квотите, Оман известил некои од долгорочните клиенти дека ќе го намали снабдувањето за 5% во март. Не е јасно дали намалувањето ќе важи и потоа.
Пазарите изгледа го примија релативно добро неочекуваното зголемување на нафтените резерви во САД. Во четвртокот Администрацијата за енергетски информации објави дека во текот на неделата пред Божиќ резервите се зголемиле за 614.000 барели. Аналитичарите очекуваа пад во износ од 2,1 милиони барели. Сепак официјалните податоци беа далеку под оние на Американскиот нафтен институт, кој најави раст од 4,2 милиони барели во текот на истиот период.
Цените на нафтата постепено ќе се зголемат до 60 долари за барел до крајот на 2017-та година, покажува истражувањето на агенцијата „Ројтерс“, а силниот долар ќе спречува да видиме уште поголемо поскапување. Други фактори кои може да вршат притисок над цената е потенцијалното враќање на производството во САД, како и евентуално непочитување на договорот од страна на „ОПЕК“ и другите производители надвор од картелот.
