Кина соопшти дека двојно ќе го зголеми бројот на странски валути кои се користат за одредување на официјалниот курс на јуанот, со што, како што оценува АФП, ќе ја намали улогата на доларот.
Меѓу 11-те валути кои ќе ги вклучи во кошницата со актуелните 13 валути се наоѓа и јужнокорејскиот вон, јужноафриканскиот ранд, унгарската форинта, турската лира и полскиот злот, соопшти Кинеската платформа за тргување со девизи, со која управува Централната банка, пренесува агенцијата Франс прес.
„Целта на овој потег е да се намали влијанието на силниот долар на вкупните перформанси на кошницата валути“, изјави главниот стратег на банкаtа „National Australia“ Кристи Тан.
