Хрватскиот министер за поморство, сообраќај и инфраструктура Синиша Хајдаш Дончиќ најави дека Владата на Хрватска ја продава „Кроациа ерлајнс“.
Дончиќ предупреди дека синдикатите на домашната авиокомпанија мора да ја сфатат деликатноста на моментот и истакна дека целта на Владата е компанијата да опстане.
Министерот потсети дека државата ја докапитализирала „Кроациа ерлајнс“ со милијарда куни и најави дека Владата во првата фаза на санација ќе продолжи со реструктуирање.
– Секако дека за „Кроациа ерланјс“ ќе побара и некој потенцијален стратешки партнер. Ако тој доаѓа надвор од ЕУ, максималниот удел ќе биде до 49 отсто, а ако тој доаѓа од ЕУ, тој удел може да биде и до 100 отсто, рече Дончиќ.
