Египет планира економски раст од пет проценти за фискалната година 2017-2018, соопшти египетското Министерство за финансии.
Властите во Каиро се соочуваат со сериозна економска криза уште од 2011 година кога настана побуната против претседателот Хосни Мубарак, што доведе до пад на приходите од туризмот, намалување на инвестициите и пораст на стапката на невработеност.
Египет во ноември доби кредит од 12 милијарди долари (11 милијарди евра) од Меѓународниот монетарен фонд.
Министерството за финансии наведе дека сака да продолжи со структурните реформи за да ги поддржи производните сектори, особено индустријата и извозот со цел привлекување на нови инвестиции.