Сoединетите Американски Држави соопштија вчера дека повторно покренуваат трговска акција против забраната на Европската унија за извозoт на американското говедско месо во 28-члениот блок, оставајќи ја отворена можноста за воведување на царина за европските производи, јавува агенцијата Франс прес.
„Американските ранчери одгледуваат еден од најдобрите видови на говедско месо на планетата, но рестриктивните мерки на Европската унија и понатаму им го скратуваат на потрошувачите во ЕУ пристапот до американското говедско месо по поволни цени“, наведе државниот секретар за земјоделство во администрацијата на Обама, Том Вилзак.
