На полноќ, италијанската влада на седница го одобри создавањето на фонд за спас на банкарскиот сектор, пишува „The Wall Street Journal“. Кон него ќе бидат насочени 20 милијарди евра.
Одлуката за основање на фондот доаѓа неколку часа откако банката „Monte dei Paschi di Siena“ соопшти дека нејзиното искуство да го зголеми капиталот е неуспешено. Третата по големина банка во Италија се обиде да привлече 5 милијарди евра од приватни инвеститори.
По неуспешната операција од „Monte dei Paschi“ коментираа дека ќе се потпираат на владата за „превентивено“ зголемување на капиталот, дополнува „Bloomberg“.
На банкарскиот сектор во Италија му „натежнуваат“ лоши кредити во износ од 360 милијарди евра, што се одразува негативно на профитабилноста и ја поткопува довербата на инвеститорите. Според агенцијата, национализацијата на „Monte dei Paschi“ може и да не биде единственото дејствување на Владата во секторот.
За средствата од Фондот се очекува да аплицираат уште и „Veneto Banca“ и „Banca Popolare di Vicenza“.
Пред новинари во раните утрински часови утринава премиерот на Италија Паоло Џентилони изјави дека Европската унија (ЕУ) ја поддржала одлуката на владата да ја додели поддршката за банкарскиот сектор.
Фондот ќе обезбедува гаранции за итна ликвидност и капитални инјекции.
„Monte dei Paschi“ – најстарата банка во светот, објави на 21-ви декември, дека ќе остане без ликвидност по само четири месеци. Во претходните проценки банката сметаше дека има 11 месеци пред да западне во таа положба. Во четвртокот доверителот се откажа од плановите да бара поддршка од пазарот.
Банката сакаше да продаде удели и лоши кредити со цел да обезбеди капитал од 5 милијарди евра.
Нејзината нестабилност доведе до пад на цената на акциите во оваа година во рамките на 87%. Во четвртокот нејасната ситуација околу доверителот стана причина за негативни чувства на берзите на Стариот континент. Акциите на „Monte dei Paschi“ загубија речиси 8% од вредноста и затворија на ниво од 15,08 евра за готово, што е најниско од излегувањето на банката на берзата во 1999-та година.
Национализацијата на „Monte dei Paschi“ требаше да се случи уште пред пет години, коментира пред „Bloomberg“ Франческо Конфурти, извршен директор на инвестициската компанија Advantage Financial. „Банката загуби време, пари и доверба, обидувајќи се да се задржи на со системи за спасување, кога се наоѓаше во неповратна кома“, смета тој.
