Грчкиот министер за финансии Еуклид Цакалотос застана во одбрана на планираната исплата на еднократна помош за пензионерите со ниски приходи во пресрет на Божиќ.
„Не мислам дека тоа е голем проблем. Имаме поважни работи од тоа“, изјави Цакалотос во изјавата за Ројтерс, само еден ден откако еврозоната ги суспендираше мерките за ублажување на должничкиот товар на Атина како одговор на нејзиниот предлог за исплата на еднократна помош за пензионерите.
Цакалотос во Берлин изјави дека Европа мора да докаже дека е во состојба самостојно да ги реши своите проблеми, со цел да ја поврати довербата меѓу работничката класа по победата на популистите на изборите во Европа, Брегзит и италијанскиот референдум.