Британската централна банка ја задржа референтната каматна стапка на рекордно ниско ниво од 0,25 проценти.
Банката на Англија ја задржа каматната стапка и покрај скокот на инфлацијата кој предизвика неизвесност поради Брегзит.
Сите девет членови на Монетарниот комитет на Банката на Англија, на редовното заседавање, гласаа за задржување на каматната стапка на постоечкото ниво, воздржувајќи се истовремено од проширување на програмата за месечен откуп на обврзници, кој во моментов изнесува 435 милијарди фунти (521 милијарди евра), пренесува агенцијата Франс прес.
Гувернерот на Банката на Англија Марк Карни изјави дека неизвесноста и колебањето ќе го обележат процесот на излез на Велика Британија од Европската унија, пренесува агенцијата АП.
