Европскиот парламент (ЕП) го одобри денеска новиот железнички пакет. Новите правила предвидуваат железничките услуги да се дистрибуираат со аукции, кои ќе бидат достапни за сите оператори во Европската унија (ЕУ).
Понудата на железничките услуги по новите правила ќе започне од 14-ти декември 2020-та година, за да имаат време земјите членки да се постават. Аукциите ќе се задолжителни за сите членки на ЕУ од декември 2023-та година.
Земјите од ЕУ ќе имаат можност и директно да доделуваат договори за железнички услуги без наддавање, но само кога тоа води до подобрување на квалитетот на услугите на патниците, или зголемување на ефикасноста на трошоците, според пакетот промени.
Има и ограничување на обемот на патничките услуги на година за директно договарање – 7,5 милиони евра, или 500 илјади километри, како и барања за изведба на услугите – точност и фреквенција, квалитет на возниот парк и капацитет.
За одредени линии се дава можност и на земјите членки да го ограничат правото на пристап на нов оператор, ако тоа ќе ја наруши „економската рамнотежа“. За да се утврди во кои ситуации слободниот пристап може да биде ограничен, ќе биде потребени објективни економски анализи од националниот регулатор, предвидува законот.
