Нов парк е изграден на просторот на плочникот во Градски sид, позади поранешна “Агромеханика“.
Општина Центар целосно го реконструираше зеленилото во запуштените жардинери кои се наоѓаат на платото опкружено со високи станбени комплекси.
„Овој дел во сега е модерно, разиграно и необично хортикултурно уреден. Високите садници се скулптурални и високо декоративни, а перените и граминеите внесуваат бои во различи периоди од годината. Околу групациите, подигнати на различни нивоа, поставен е темен бусен и засадени се 6500 растенија, на површина од над 1070 м2.
Во помалите жардинери засадени се зимзелени грмушки и листопадни ползавци кои ја менуваат бојата“, информираат од Општина Центар.
Поставен е нов, автоматски систем за наводнување на жардинерите, кој овозможува навремено наводнување и повитален раст и развој на зеленилото.
Претходно, општина Центар стави и ново, современо детско игралиште на овој простор, со вкупна површина од 250 м2, наменето за деца на возраст од 3 до 11 години. Игралиштето беше поставено на барање на граѓаните.
Комплексот е надополнет и со урбана опрема, канти за отпадоци и клупи.
